Bisa labarin da aka bayar a shafin intanet na ma'aikatar cinikayya da masana'antu ta kasar Liberia, ya nuna cewar kasar ta gabatar da aniyar ta na shiga kungiyar cinikayya ta duniya wato WTO, wannan ya bayyana cewa, an kammala daukar matakai na karshe don shigar da Liberia kungiyar WTO.

Ana sa ran gabatar da kuduri a gun taron ministoci karo na 10 na kungiyar WTO da za a gudanar a birnin Nairobi na kasar Kenya a watan Disambar bana. Idan kasar Liberia ta cimma nasarar shiga WTO, za ta kasance kasa ta karshe a nahiyar Afirka da ta shiga WTO.

Kasar Liberia tana yammacin nahiyar Afirka, kuma tana daya daga cikin kasashe mafiya talauci a duniya. An fara yin shawarwari kan shigar da kasar Liberia a kungiyar WTO ne a shekarar 2007. (Zainab)