Sojojin kasar Kamaru sun yi nasarar dakile wani harin 'yan kungiyar Boko Haram a yankin Balgaram dake arewaci mai nisa na kasar, kuma yake kan iyaka da Nigeriya.
Yan kungiyar masu yawa da suka yi niyyar mamaye yankin domin kai harin suna kisan fararen hula, sojojin sun samu nasarar dakile su nan take kamar yadda wata majiya ta tabbatar wa Xinhua, inda aka ce an ga gawawwakin mutane 3 daga cikin su a safiyar Lahadi.
Wannan harin ya zo ne kwana daya da Janar Bouba Dobekreo karban mukamin kwamandan sojin hadin gwiwwa da suka kunshi sojojin kasashen tabkin Chadi domin yakar kungiyar ta Boko Haram. Yanzu haka ya maida ofishin shi a yankin arewa mai nisa na kasar, inda wassu hare-haren kunar bakin waken har sau biyu suka auku a unguwar Kolofata.(Fatimah)
