Ministocin kasashen kungiyar raya kasashen kudancin Afrika SADC sun fara wani taro a Harare a ranar Litinin din nan domin nazarin takardar tsarin dabaru da hanyoyin da za'a bi wajen mai da hankali a kan masana'antu domin azalzala masana'antu a kasashen mambobin kungiyar 15.

Shugaban tawagar ministocin kungiyar kuma ministan harkokin kasashen waje na kasar Zimbabwe Simbarashe Mumbengegwi ya shaida wa mahalarta taron cewa, wannan hanya da za'a tsara za ta fara ne daga wannan shekarar ta 2015 zuwa 2063 a lokacin da yankin zai bukaci mai da masana'antu cikin matakai uku.

Ya ce, wannan tsari ya tabbatar da cewa, tsarin kafa masana'antu da aiwatar da hakan, za'a yi shi ne a matakin kasa baki daya kuma kadan ne za su dogara a kan hadin gwiwwa tsakanin gwamnati da hukumomi masu zaman kansu.

Wannan tsarin ya bayyana manufofi, kalubaloli, ayyukan shiga tsakani, da kuma sakamakon da wadanda za'a fi mai da hankali a kai karkashin manyan shirye-shirye guda uku wato masana'antu, takara da kuma shigar da yankuna a ciki, in ji minista Mumbengegwi. (Fatimah)