Hukumar gudanarwar kwallon kafar Najeriya ta amince da baiwa kocin Super Eagles Stephen Keshi, damar ci gaba da kasancewa mai horas da kungiyar, karkashin wata kwangila da aka sanyawa hannu tsakanin bangarorin biyu a jiya Talata.
An dai gudanar da kwarya-kwaryar bikin sanya hannu kan kwangilar ta Keshi ne a birnin Abuja, fadar gwamnatin kasar, taron da ya samu halartar jami'an hukumar kwallon kafar kasar, da kuma sauran masu ruwa da tsaki. (Saminu)
