Sabon shugaban rikon kwarya na kasar Burkina Faso, Michel Kafando ya nada Laftanal kanal, Isaac Yacouba Zida a matsayin sabon faraminstan kasar Burkina Faso a ranar Labara, in ji mataimakin sakatare janar din kwamitin ministoci, Thiery Alain Ouattara. A tsawon makwanni uku da suka gabata, mista Zida ya kasance shugaban wuci gadi na soja kafin ya mika mulki ga fararen hula. Bayan wannan nadi, mista Zida wanda ya kori darektocin kamfanonin gwamnati biyu kafin ya dakatar da kwamitocin wakilan jama'a, zai kafa gwamnatinsa. Ana jiran taron ministocin sabuwar gwamnatin wucin gadi a ranar Asabar mai zuwa. (Maman Ada)