Magatakardan MDD Ban Ki-moon ya yi suka da kakkausar murya a kan sabunta rikici tsakanin kungiyar sojojin gwamnati da 'yan adawa a jihohin Bentui da Rubkona wadanda ke jihar Unity a Sudan ta Kudu.
Wata sanarwa wacce ta fito daga kakakin magatakardan MDD ta ce, kara fadawa cikin hali na tashin hankali ya sabawa yarjejeniyar tsagaita wuta da kuma kawo cikas ga kokarin da ake yi na kasa da kasa na magance rikicin na Sudan ta Kudu.
Magatakardan MDD ya yi kira a kan shugaban kasar ta Sudan ta Kudu Salva Kiir da Riek Machar da su tsagaita wuta nan take, tare da tabbatar da kariyar farar hula da kuma gine-ginen na MDD. (Suwaiba)
