Fiye da fursunoni 230 ne suka tsere a ranar Asabar da yamma daga babban gidan yarin Kakwangura a Butembo, yankin dake kusa da kilomita 300 daga arewacin Goma, babban birnin gundumar Nord-Kivu, a gabashin kasar DRC-Congo, in ji wasu majiyioyin hukumomin kasar. Magajin garin rikon kwarya na Butembo, Godefroid Matimbya, ya shaida wa kamfanin dillancin labarai na Xinhua cewa, lamarin ya faru a yayin da wasu mutanen dauke da makamai da ba'a tantance ba suka kai harin kan ginin gidan yarin. Mutane ishirin da tara da suka tsere, jami'an tsaro sun kamo su. A cewar majiyoyin jami'an gidan yari, gidan yarin Kakwangura na dauke da fursunoni kimanin 324. (Maman Ada)