Bisa labarin da kamfanin dillancin labaru na Botswana ya bayar a ranar 22 ga wata, an ce, babban kotun kasar ta amince da rokon shiga takarar neman shugabancin kasar da shugaban kasar na yanzu Ian Khama ya gabatar.

Khama da sauran 'yan takara biyu wato dan jam'iyyar BCP Gilson Saleshando da kuma dan jam'iyyar BDP, Duma Boko za su fafata a zaben shugaban kasar da za a shirya a watan Oktoba.

Za a gudanar da zaben kasar a ranar 24 ga watan Oktoba na bana, kuma za a zabi membobin majalisar dokokin kasar 57 da membobin majalisar dokokin jihohin kasar 490. (Zainab)