Jam'iyyar PDP mai mulki a tarayyar Najeriya, ta sanar a ranar Alhamis cewa, shugaba Goodluck Jonathan zai kasance 'dan takara daya tak a zaben shugaban kasa na shekarar 2015.
Shugabannin jam'iyyar mai mulki sun sanar da daukar wannan matakin bayan wani zaman taron kwamitin zartaswa na kasa (NEC) na jam'iyyar PDP, a ranar Alhamis da yamma, inda kwamitin ya bayyana cewa, mista Jonathan, an zabe shi bisa babban rinjaye domin ya ci gaba da aiwatar da shirinsa na kawo sauyi a kasar Najeriya da sanya ta bisa turba mai kyau. (Maman Ada)
