Kasar Amurka ta kakaba takunkumi kan wasu kamfanoni uku a ranar Laraba dake taimakawa gwamnatin Syria, wanda daya daga cikinsu na da cibiya a daular kasashen Larabawa. Matakin na hukumonin Amurka ya shafi kamfanin Pangates dake daular kasashen Larabawa, da kuma kamfanonin Expert Partners da Megatrade, da Amurka take ganin na Syria ne. Haka kuma matakin ya haramtawa 'yan Amurka yin kasuwanci tare da wadannan kamfanoni da tuni suke cikin jerin haramtattun kamfanoni a idon Amurka, tare da rike kudadensu dake cikin bankunan Amurka. (Maman Ada)