Babban sakataren MDD Ban Ki-moon ya yi tir da mummunan harin bam din da aka kai kusa da wata cibiyar sayar da kayayyaki a babban birnin Najeriya Abuja.
Rahotannni sun ce, harin da aka kai ranar Laraba, ya haddasa asarar rayuka a kalla mutane 21.
Babban sakatare na MDD ya bayyana a cikin wata sanarwa cewar, yana matukar damuwa a game da karuwar tashin hankula a kasar, wacce ke Afrika ta yamma.
Ban ya mika gaisuwar ta'aziyyar shi ga iyalan wadanda harin ya shafa, tare da yiwa wadanda suka sami raunuka, fatan samun sauki a cikin gaggawa. (Suwaiba)
