Tawagar 16 ta sojan ruwan Sin dake bada kariya ga jiragen ruwa ta yi atisayen soja tare da sojojin ruwan kasar Namibia a tekun dake dab da mashigin tekun Walvis na kasar Namibia, wannan ne karo na farko da kasashen biyu suka yi atisayen soja.

Muhimman ayyukan da suka gudana a yayin atisayen sojan su ne musanyar dabarun aiki tsakanin bangaririn biyu bisa halin da ake ciki da sadarwa da sauransu, kuma an gudanar da wannan atisayen sojan cikin nasara.

Mai bada umurni na rundunar sojan Sin Li Pengcheng ya bayyana cewa, ta wannan atisayen soja, an kara fahimta da imani da juna a tsakanin sojojin ruwan kasashen biyu, kana yana da babbar ma'ana a fannonin kara hadin gwiwar aikin soja a tsakaninsu da inganta karfin yaki da 'yan fashin teku tare. (Zainab)