Za a gudanar da bikin baje koli na tattalin arziki da cinikayya a tsakanin Sin da kasashen Afirka karo na farko a kasar Sin
An shirya gudanar da bikin baje kolin game da tattauna batutuwan tattalin arziki da cinikayya a tsakanin Sin da kasashen Afirka karo na farko a birnin Qingdao dake kasar Sin tun daga ranar 26 zuwa ta 29 ga watan nan na Yuli.
Bisa labarin da aka bayar, an ce, burin bikin shi ne fara hadin gwiwa a fannoni uku, wato hadin gwiwa a tsakanin kamfanoni da hukumomin gwamnatocin kasashen Afirka, da tsakanin kamfanoni da masu sayen kaya na kasashen waje, da kuma tsakanin kamfanonin kasar Sin da kamfanonin kasashen Afirka. A gun bikin, za a yi kokarin kara yin hadin gwiwa a tsakanin Sin da kasashen Afirka a fannonin albarkatun ma'adinai, gina ababen more rayuwa, da kera na'urori, sadarwa, aikin gona, yawon shakatawa da dai saurausu. (Zainab)
