Hukumar tsaron Amurka ta Pentagon, ta ce, yanzu haka jami'an sojin Amurka 16 sun fara aikin hadin gwiwa da sauran dakarun dake aikin nemo 'yan matan nan da 'yan Boko Haram suka sace a jihar Borno dake arewa maso gabashin Najeriya.
Kakakin hukumar ta Pentagon Steve Warren, ya shaidawa wani taron manema labaru cewa, dakarun sun kunshi kwararru daga fannonin tsaro da bincike daban daban, suna kuma karkashin gudanarwar sashen harkokin wajen Amurka na ofishin jakadancin kasar dake birnin Abuja, fadar gwanmatin Najeriya.
Ya ce, dakarun za su taimakawa gwamnatin Najeriya a kokarinta na shawo kan matsalar da ake fama da ita yanzu haka. (Saminu)
