Wasu masunta su hudu sun samu raunuka, sakamakon tashin wani bam a kauyen Unguja Ukuu, dake arewacin Unguja a yankin Zanzibar na kasar Tanzaniya.

Wannan bam dai na cikin jerin bama bamai uku da suka tashi a wannan yanki ranar Litinin 24 ga watan nan.

Rahotanni sun bayyana cewa, a Unguja Ukuu, wani masunci ne ya tsinci bam din, wanda kuma jim kadan da tsintar sa ya tashi, ya kuma raunata shi tare da wasu masuntan su uku.

Bam na biyu kuwa, wanda ya sauka kan cocin Angalican dake Mkunazini, ya tashi ne ba tare da raunata kowa ba.

Sai kuma bam na uku da ya tashi a cocin Evangelist dake Kijitoupele, inda limamin cocin Bishop Leonard Zuberi ya bayyana cewa, bom ya tashi ne a wannan rana da yamma.

Tuni dai rundunar 'yan sandan yankin ta bayyana aniyarta, ta fayyace cikakkun bayanai don gane da aukuwar wannan lamari. (Saminu)