Wata sabuwa kuma, Ministan tsaron kasar Faransa Jean-Yves Le Drian ya bayyana a ranar 6 ga wata cewa, ta fara daukar matakan soji a jamhuriyyar Afirka ta Tsakiya don sa kaimi ga farfado da zaman lafiya a kasar.
Jean-Yves Le Drian ya bayyana wa 'yan jarida na kasar Faransan cewa, mai yiwuwa ne sojojin kasar Faransan su yi aiki a jamhuriyyar Afirka ta tsakiya har tsawon watanni shida, kuma makasudin aikin nasu shi ne farfado da zaman lafiya a kasar da kuma taimakawa wajen jibge sojojin kasashen Afirka a kasar. Kana ya ce, wani rukunin sojojin Faransan da ya tashi daga kasar Gabon ya riga ya isa jamhuriyyar Afirka ta tsakiya. (Zainab)
