A yayin taron sauye-sauyen yanayi da aka gudanar a birnin Warsaw dake kasar Poland, babban magatakardar MDD Ban Ki-Moon ya gana da jagoran tawagar kasar Sin kuma mataimakin kwamitin raya kasa da yin kwaskwarima na kasar Sin Xie Zhenhua, inda Ban Ki-moon ya nuna yabo ga kokarin kasar Sin na tinkarar matsalar sauyin yanayi.

Ban Ki-moon ya kuma yabawa kasar Sin da Amurka bisa cimma daidaito kan batun rage fitar da abubuwan dake gurbata muhalli da bulla da matakan tinkarar matsalar sauyin yanayi. Wannan ne misali mai kyau na manyan kasashe masu karfin tattalin arziki suka yi hadin gwiwa wajen tinkarar matsalar sauyin yanayi.

A nasa bangare, Xie Zhenhua ya bayyana cewa, kasar Sin kasa ce mai tasowa dake daukar nauyin dake bisa wuyanta, tana kuma taka muhimmiyar rawa wajen tinkarar matsalar sauyin yanayi. (Zainab)