Kakakin ma'aikatar harkokin wajen kasar Sin Hong Lei, ya fada a ranar Alhamis cewa, kasar Sin tana bukatar kwamitin sulhu na MDD da ya hanzarta cimma matsaya game da wani daftarin kuduri kan makamai masu guba na kasar Syria.

Rahotannin kafofin watsa labarai sun bayyana cewa, kwamitin sulhun yana aikin bullo da wani daftarin kuduri gama de makamai masu guba na kasar Syria, amma ana samun rarrabuwar kawuna game da ko kamata ya yi kudurin ya kasance karkashin babi na 7 da dokokin MDD, wanda ya hada da yiwuwar amfani da matakin soja.

Hong Lei ya ce, har kullum kasar Sin tana shiga a dama da ita a tattaunawar da ake yi ta hanyoyin da suka kamata kuma a shirye take ta tattauna da bangarorin da abin ya shafa don ganin an hanzarta cimma matsaya. (Ibrahim)