Kasar Saudiyya ta haramtawa jirgin sama dauke da shugaban kasar Sudan Omar al-Bashir ikon keta sararin samanta, yayin da shugaban ke kan hanyarsa zuwa Tehran, babban birnin kasar Iran don halartar bikin rantsuwar sabon shugaban Iran din Hassan Rouhani, wanda aka gudanar a ranar Lahadi.
Rahotanni daga kamfanin dillancin labaran SUNA sun nuna cewa, hana wannan jirgi na shugaba Al-Bashir gitta sararin saman kasar ta Saudiyya, ya sanya shi ala tilas komawa, duk kuwa da cewa, jirgin na da iko irin na yada zango a kasar ta Saudiyya.
Yanzu haka dai Sudan din na jiran bayyani kan wannan lamari daga mahukuntan kasar ta Saudiyya. (Saminu)
