Zhang Dejiang, shugaban majalisar wakilan jama'ar kasar Sin, a ranar 25 ga wata, ya halarci bikin murnar cika shekaru 50 da kafuwar kungiyar hada kan kasashen Afirka (OAU) da jakadun kasashen Afirka suka kira a nan birnin Beijing, fadar gwamnatin kasar Sin.

A lokacin jawabin sa Zhang ya ce, kasar Sin za ta yi kokari tare da abokanta na Afirka, don aiwatar da yarjeniyoyin da aka kulla yayin ziyarar da shugaban kasar Sin Xi Jinping, ya kai ma nahiyar, a watan Maris na bana, ta yadda za a samu damar ci gaba da kyautata huldar dake tsakanin bangarorin 2. (Bello Wang)