Ina fata kuna lafiya. Yaya aiki? Yaya kuka ji da jama'a? Allah Ya taimaka.

Jiya Talata 6 ga Satumba ne da rana malam Salisu Dawanau ya kirani a waya ya sanar da ni cewa wakilinku malam Murtala Zhang ya sanar da shi cewa sakon da kuka aiko mana ya riga ya iso amma dai yana can ofishin Fedex a birnin Lafia ta Jihar Nasarawa. Da jin wannan labari sai na shiga mota daga nan Akwanga zuwa can domin ya aiko mini da adireshin ofis din.

Godiya ta musamman a madadin sauran masu saurarenku na garin Akwanga domin na je har na karbo parcel din mai dauke da wasu rigunan t-shirt da manyan hotuna da kuma mujallunku na Zumunta masu yawa. Kuma in Allah Ya yarda zan raba ga masu saurarenku na nan Akwanga. Mun gode sosai, Allah Ya kara zumunci.

Naku,

Alhaji Yahaya Salihu (makaniken mota)

Akwanga

Jihar Nasarawa, Najeriya