Bisa labarin da rundunar 'yan sandan kasar Somaliya ta fitar a yau Lahadi, an ce, wata mota dauke da boma-bomai ta tarwatse a wani gini inda ofishin hukumar kwastan ta kasar yake, wurin wanda ke kusa da babban birnin kasar, Mogadishu.

Ya zuwa yanzu, babu wani mutum ko wata kungiya da ta sanar da daukar alhakin kai harin, sai dai kungiya mai tsattsauran ra'ayi ta Al Shabaab ta sha kaddamar da hare haren ta'addanci a kasar a lokuta da dama. (Maryam)