Xi Jinping ya aika da sakon taya murnar cika shekaru 60 da kafa kwalejin likitancin kasar Sin
Shugaban kasar Sin Xi Jinping a kwanan baya ya aika da sakon taya murnar cikon shekaru 60, da kafuwar kwalejin likitancin kasar Sin, yana mai jinjinawa sahihiyar gudummawa da masu aikin kimiyya a fannonin daban daban na asibitin suke bayarwa game da kiwon lafiya.
A cikin wasdannan shekaru, kwalejin ta kammala wasu manyan ayyuka na gaggawa, ciki hadda dakile yaduwar murar tsuntsaye nau'in H7N9, da H10N8 a tsakanin al'umma, da taimakawa kasashen Afirka wajen yaki da cutar Ebola da dai sauransu. Kaza lika kwalejin ta taka muhimmiyar rawa wajen rigakafi, da shawo kan manyan cututtuka, da ba da tabbaci ga lafiyar jama'a, da kuma ciyar da tattalin arziki da al'umma gaba da dai sauransu. (Bilkisu)
