2020-10-28 13:55:39        cri

Ma'aikatar harkokin wajen kasar Faransa, ta bayar da sanarwa a jiya cewa, Faransan ta mika Félicien Kabuga, mutumin da aka zarga da hannu a kisan kiyashin kasar Ruwanda ga kotun Hague dake kasar Netherland.

Félicien Kabuga mai shekaru 84 da haihuwa, ya taba yin harkokin cinikayya a kasar Ruwanda. A shekarun baya baya nan, ya yi amfani da takardar shaidar asali ta jabu don ci gaba da rayuwa a kasar Faransa.

A yayin kisan kiyashi na Ruwanda, Kabuga ya tada zaune tsaye ta kafar rediyonsa, da kuma samar da kudi don goyon bayan kisan kiyashin. A watan Mayu na bana ne kuma, aka kama shi a karkarar birnin Paris na kasar Faransa. (Zainab)