2020-06-29 16:03:27        cri

Shugaban kasar Sin Xi Jinping, ya jaddada bukatar rungumar sabbin dabarun samun ci gaba, da kai wa sabbin matakai a fannin kimiyya da fasaha, da samun nasara a manyan ayyukan da ake yi domin walwalar jama'a.

Xi Jinping, wanda kuma shi ne Sakatare Janar na kwamitin tsakiya na JKS ya bayyana haka ne yayin da yake murnar fara amfani da tashar samar da lantarki daga ruwa ta Wudongde dake kan iyakar lardunan Sichuan da Yunnan na kudu maso yammacin kasar Sin. (Fa'iza Mustapha)