Rahotanni daga yankin Xinjiang na Uygur mai cin gashin kansa dake yankin arewa maso yammacin kasar Sin na cewa, yankin yana shirin zuba zunzurutun kudi har sama da Yuan biliyan biyu, kwatankwacin dala miliyan 282, don gina tashoshin sadarwa na 5G kimanin 4,900 a wannan shekara.

Ya zuwa karshen wannan shekara, ana sa ran yankunan biranen Urumqi, babban birnin jihar Xinjiang zai ci gaba da samun hidimomin 5G, yayin da sauran yankuna da birane su ma za su ci gaba da amfana da tsarin na 5G. A halin yanzu ana amfani da fasahar 5G wajen jinyar kula da lafiya ta kafar bidiyo da kula da na'urorin tashar samar da wutar lantarki da na'urorin hakar ma'adinai masu sarrafa kansu da sauran fannoni a yankin na Xinjiang. (Ibrahim Yaya)