Facebook Twitter
in Web hausa.cri.cn
Lokaci ya yi da Amurka za ta yi bayani kan dakunan gwajin halittun da ta gina a ketare
2020-05-15 20:09:56        cri
Kwanan baya ministan harkokin wajen kasar Rasha Sergey Lavrov ya yi nuni a yayin taron ganawa da manema labarai cewa, Amurka ta gina dakunan gwaje-gwajen halittu da dama a kasashen dake makwabtaka da kasar Sin da kuma kasar Rasha, kana ba ta sanar da abubuwan da kwararru suke nazari a ciki ba, lamarin da ya sa ake nuna shakku kan yunkurin Amurka, hakika tsokacin Lavrov ya bayyana shakku da damuwa da al'ummun kasa da kasa suke da su a cikin 'yan watannin da suka gabata.

Sakataren taron tsaro na tarayyar Rasha Nikolay Platonovich Patrushev shi ma ya fayyace cewa, kawo yanzu adadin dakunan gwajin halittun da Amurka ta gina a fadin duniya ya riga ya kai sama da 200, kana an lura cewa, annoba mai hadari ta taba yaduwa a wuraren da Amurka ta gina dakunan gwajin halittun nata, duk wadannan sun sanya tsoro matuka kan tsaron wadannan dakunan gwaje-gwaje.

Dakin gwajin halittu na Detrick dake jihar Maryland ta Amurka, shi ne sansani mafi girma dake kasar inda ake samar da makamai masu guba, ana daukar sansanin a matsayin "cibiyar gwaji mafi duhu" na gwamnatin Amurka, ko "sansanin gwajin sinadarai masu guba da kawar da hankalin mutane na hukumar leken asiri ta Amurka". A watan Yulin bara, ba zato ba tsammani, cibiyar CDC ta Amurka ta rufe dakin gwajin bisa dalilin tsaron kasa, kuma ta ki sanar da bayanan da abin ya shafa.

Kana jaridar New York Times ta fayyace cewa, abubuwan da ake nazari a cikin dakin gwajin sun hada da wasu halittu masu hadari wadanda za su lahanta lafiyar mutane da dabbobi da tsirrai ko kayayyakin da ake samarwa da dabbobi da tsirrai, abun da ya fi tsorata jama'a shi ne, bayan da aka rufe dakin binciken, an tarar da cewa, cutar tabar lantarki ta barke a wata unguwa dake kusa da dakin gwajin, alamun cutar sun yi kama da alamun cutar COVID-19, amma yanzu 'yan siyasar Amurka wadanda suke ta baza jita-jita sun yi shiru kan batun.

Rahotannin sun nuna cewa, Amurka ta gina wasu dakunan gwajin halittu a kasashe da dama a cikin tsohuwar tarayyar Soviet Union, wasu kuma suna kasashen dake kudu maso gabashin Asiya, da kuma nahiyar Afirka. Abun mamaki shi ne Amurka ta yi shiru kan yadda take amfani da aikin da suke yi da ma tsaro na wadannan dakunan gwajin.

Yanzu haka matakan da 'yan siyasar Amurka suka dauka sun nuna cewa, kila ne Amurka tana kirkirar kwayar cutar da za ta haifar da cututtuka masu hadari a dakunan gwaje-gwaje dake ketare.(Jamila)

 

Labarai masu Nasaba

 

 

 

 

Mafiya Karbuwa

 

 

 

 

® China Radio International.CRI. All Rights Reserved.
16A Shijingshan Road, Beijing, China