Facebook Twitter
in Web hausa.cri.cn
An kashe babban kwamandan 'yan awaren Kamaru a yanki mai fama da rikici
2020-05-04 10:49:28        cri
Kwamandan mayakan 'yan aware wanda aka fi sani da Janar Alhaji yana daga cikin mayakan 'yan tawayen da aka kashe a ranar Jumma'a a yankin Bafut, wani karamin yankin arewa maso yammacin kasar, daya daga cikin yankunan jamhuriyar Kamuru biyu na masu magana da yaren Turanci dake fama da rikici, rundunar sojojin Kamaru ne ta sanar da hakan a ranar Asabar.

Kingsley Ashu, shugaban 'yan arewa shi ne ya sanar da mutuwar Alhaji a shafinsa na Facebook.

Hukumomin yankin sun ce an kashe kwamandan ne bayan hare haren da sojojin kasar suka shafe mako guda suna kaddamarwa a yankin, lamarin da ya yi sanadiyyar kwace makaman yaki da tarwatsa sansanoni masu yawa na mayakan 'yan awaren.

Alhaji yana jagorantar daya daga cikin manyan rundunonin mayakan 'yan awaren wacce aka fi sani da "Seven Katta Bafut Defence forces" dake yankin, kamar yadda jami'an tsaron kasar suka bayyana.

An ayyana shi a matsayin madugun 'yan ta'adda a shekarar 2018 bayan da ya jagoranci yin garkuwa da dalibai 'yan makaranta su 80 tare da malamansu da direban motar makarantar sakandaren dake Bamenda, birni mafi girma a yankin masu magana da yaren Turanci, majiyar jami'an tsaron ta kara da cewa, kawar da kwamandan daga doron kasa zai iya zama babban koma baya ga mayakan 'yan awaren a yankin.(Ahmad)

 

Labarai masu Nasaba

 

 

 

 

Mafiya Karbuwa

 

 

 

 

® China Radio International.CRI. All Rights Reserved.
16A Shijingshan Road, Beijing, China