Shugaban kasar Sin Xi Jinping, kana babban sakataren kwamitin tsakiyar jamiyyar Kwaminis ta kasar, a ranar Litinin ya ziyarci lardin Shaanxi dake shiyyar arewa maso yammacin kasar Sin.

Xi ya ziyarci gandun daji na Niubeiliang dake yankin Zhashui, a birnin Shangluo, domin duba aikin kiyaye muhalli a yankin tsaunin Qinling.

Kana daga bisani ya ziyarci kauyen Jinmi dake garin Xiaoling domin duba kokarin da jami'ai ke yi wajen gudanar da ayyukan yaki da fatara a yankin. (Mai Fassarawa: Ahmad Fagam)