Facebook Twitter
in Web hausa.cri.cn
Amurka da Indiya sun kulla yarjejeniyar tsaro amma ban da ta kasuwanci
2020-02-26 11:59:32        cri
A jiya Talata kasashen Indiya da Amurka suka kulla yarjejeniyar tsaro ta sama da dala biliyan 3, wanda ya kunshi cinikin jiragen saman da Amurka za ta sayarwa Indiya guda 24 samfurin "MH-60 Romeo" da wasu guda shida samfurin "AH-64E Apache". To sai dai kuma, babban abin da aka yi tsammani na kulla yarjejeniyar kasuwanci tsakanin bangarorin biyu bai samu karbuwa ba.

Da yake jawabi ga 'yan jaridu bayan tattaunawa da shugaban Amurka Donald Trump, firaministan Indiya Narendra Modi, ya bayyana cewa, shi da Trump sun yanke shawarar bin hanyoyin da shari'a ta tanada wajen cimma matsaya wanda tuni ministocin kasuwanci na kasashen biyu sun riga sun fara tattaunawa kan batun.

Da ma dai shugaba Trump ya sha nanata zarge-zarge da yake yiwa wasu kasashen duniya game da aiwatar da tsarin manufar ba da kariyar ciniki, kuma ya sha zargin Indiya inda ya ayyanata a matsayin "Shugabar haraji" sakamakon yadda take sanya haraji mai tsanani kan kayayyakin Amurka. Ya sha rokon Modi da ya rage yawan harajin da kasar ke karba kan baburan da kamfanin Harley Davidson ke sayarwar kasar a matsayin tukuici.

A cewar rukunin kamfanonin watsa labarai na Indiya, wakilan tattaunawar Amurka sun fice daga zauren taron tattaunawa a sa'o'in karshe, inda suka sanar da Indiya cewa, ta jira zuwa babbar yarjejeniya da za'a gudanar nan gaba.(Ahmad)

 

Labarai masu Nasaba

 

 

 

 

Mafiya Karbuwa

 

 

 

 

® China Radio International.CRI. All Rights Reserved.
16A Shijingshan Road, Beijing, China