2020-02-11 10:04:30        cri

Kwamishinan kungiyar tarayyar Afirka mai kula da harkokin zaman lafiya da tsaro Smail Chergui, ya bayyana cewa, kungiyar ta damu matuka da yadda kungiyoyin 'yan ta'adda ke karuwa a yankin Sahel.

Da yake karin haske kan haka a gefen taron kolin kungiyar karo na 33 da ya hallara shugabannin kasashe da gwamnatoci a birnin Addis Ababa na kasar Habasha, Chergui, ya ce, kungiyar ta lura da abubuwan dake faruwa da ma barazanar dake karuwa a yankin. Yana mai cewa, ba ma kawai kungiyoyin 'yan ta'addan na kara baje kolinsu ba, har ma suna amfani da dabaru da sabbin makamai na soja wajen yakar dakarun tsaro.(Ibrahim)