2020-01-13 16:20:26        cri

A jiya Lahadi, mataimakin shugaban kasar Zimbabwe, Constantino Chiwenga, ya gana da mamban majalisar gudanarwar kasar Sin kana ministan harkokin wajen kasar, mista Wang Yi, a Harare, hedkwatar kasar Zimbabwe.

A wajen ganawarsu, Chiwenga ya ce bangaren Zimbabwe na son ganin karin kamfanonin kasar Sin sun zuba jari a Zimbabwe. Sa'an nan gwamnatin kasar za ta yi kokarin kyautata muhallin kasuwanci, da saukakawa 'yan kasuwa ayyukansu.

A nasa bangare, Wang Yi ya ce, kasar Sin za ta kasance aminiyar kasar Zimbabwe har abada. (Bello Wang)