Facebook Twitter
in Web hausa.cri.cn
Masanan Sin sun bayyana shawarar "Ziri daya da hanya daya" a gun wani taron MDD
2019-11-27 11:14:17        cri
Jiya Talata, yayin taron dandalin tattaunawar masana'antu, kasuwanci da hakkin dan Adam na MDD karo na 8, masanan kasar Sin sun yi bayani kan shawarar "Ziri daya da hanya daya", da kuma muhimmiyar gudummawar da shawarar za ta samar ga raya tattalin arziki da zamantakewar al'ummar kasashen da abun ya shafa, da kyautata zaman rayuwar al'umma, da kuma gaggauta aiwatar da jadawalin neman dauwamammen ci gaba nan da shekarar 2030 na MDD da dai sauransu.

Masanan sun ce, kasar Sin ta riga ta kulla yarjeniyoyin hadin gwiwa guda 197, da kasashe guda 137, da kungiyoyin kasa da kasa guda 30, bisa shawarar "ziri daya da hanya daya". Matakin da ta ba da taimako ga kasashen da abun ya shafa, wajen karfafa aikin raya muhimman ababen more rayuwa, da raya cinikayyar hajoji da ta hidima, da inganta aikin zuba jari, da samar da guraben aikin yi, ta yadda za a ba da gudummawa ga kasashen wajen kawar da talauci, da kyautata zaman rayuwar al'umma, da kuma inganta musayar al'adu.

Haka kuma sun ce, cikin gajeren lokaci, kasar Sin ta cimma nasarar raya muhimman ababen more rayuwa a yankuna da yawa, ta kuma sami fasahohi masu kyau, wadanda kasashe masu tasowa za su iya koyi daga gare su. Sin na son inganta hadin gwiwa da sauran kasashe masu tasowa, domin raya makomar bil Adama ta bai daya. (Maryam)

 

Labarai masu Nasaba

 

 

 

 

Mafiya Karbuwa

 

 

 

 

® China Radio International.CRI. All Rights Reserved.
16A Shijingshan Road, Beijing, China