2019-11-19 10:23:30        cri

Biyo bayan ayyukan masu tsattsauran ra'ayi a yankin HK a baya-bayan nan, tsoffin shugabannin gwamnatocin kasashen waje, sun bayyana goyon bayansu ga manufar gwamnatin kasar Sin ta "kasa daya mai tsarin mulki biyu" tare da adawa da katsalandan cikin harkokokin HK daga kasashen waje, suna masu kira da a kawo karshen rikici da tashin hankali a yankin.

Cikin watanni 5 da suka gabata, masu tsattsauran ra'ayi dake zanga-zanga, sun lalata kayayyakin gwamnati tare da keta dokoki, har ma da illata mutanen da ba su ji ba ba su gani ba, lamarin da ya bazu zuwa cikin makarantun yankin. Tsoffin 'yan siyasar na kasashe da dama, sun kadu da irin wadannan munanan ayyukan. Galibin tsoffin shugabannin sun damu da yanayin da daliban kasashen wajen ke ciki a yankin, tare kuma da yabawa da kwarewa da juriya irin na 'yan sandan HK. (Fa'iza Mustapha)