2019-11-13 10:21:12        cri

Kakamin majalissar dokokin kasar Kamaru Cavaye Yeguie Djibril, ya jinjinawa tallafin kasar Sin, na samar da kudade, da gudanar da aikin ginin sabon zauren majalissar dokokin kasar.

Mr. Djibril ya yi wannan tsokaci ne, yayin bude zaman majalissar na watan Nuwambar nan, a jiya Talata a birnin Yaounde. Yana mai cewa matakin na kara jaddada kyakkyawan kawance, da zumuncin dake tsakanin Sin da kasar Kamaru. Ya ce ginin majalissar dokokin zai kara karfafa alakar kasashen biyu, wadda tuni ke cikin kyakkyawan yanayi, dake haifar da moriya ga sassan biyu. (Saminu Hassan)