2019-11-05 11:02:59        cri

Hukumar kula da albarkatun ruwa ta Nijeriya, ta fitar da gargadi game da aukuwar ambaliyar ruwa a jiya Litinin ga jihohi 5 na yankin kudancin kasar, tana mai cewa akwai yiwuwar aukuwar ambaliyar ruwa a yankin nan bada dadewa ba.

Hukumar wadda ke da alhakin yin gargadi game da ambaliyar ruwa, ta fitar gargadi na matakin karshe ga jihohin da suka hada da Edo da Delta da Anambra da Rivers da kuma Bayelsa.

Darakta Janar na hukumar Clement Onyeaso Nze, ya bukaci hukumomi a jihohin 5, su lalubo al'ummomin dake iyaka da kogin Niger tare da gudanar da shirye-shiryen ko ta kwana. (Fa'iza Mustapha)