CRI ONLINE HAUSA

Fursunoni 22 sun tsere daga gidan kaso a Kamaru

2019-08-09 11:01:43 cri

Fursunoni akalla 22 ne suka tsere da safiyar jiya Alhamis, daga wani gidan kaso dake garin Meiganga mai tsaunika, wanda ke yankin Adamawa a Jamhuriyar Kamaru.

'Yan sanda sun ce fursunonin sun yi nasarar haka rami a jikin bangon gidan kason, wanda ya ba su damar arcewa da misalin karfe 4:30 na safe, agogon wurin.

A cewar 'yan sandan, tuni aka kaddamar da farautar mutanen da suka tsere.

Tun a watan Janairun bana matsalolin sace-sacen mutane da kashe-kashe suka addabi yankin, lamarin da ya sanya shugaban kasar Paul Biya, tura dakarun musammam zuwa yankin, domin tabbatar da doka da oda.

An kama wasu daga cikin masu satar mutanen inda kuma aka tura su gidan kaso. Sai dai abun da ba a kai ga ganowa ba shi ne, ko masu satar mutanen na daga cikin wadanda suka tsere. (Fa'iza Mustapha)

Labarai masu Nasaba

Ga wasu

v Firaministan Kamaru ya karyata zargin tarkon bashi da wasu ke dangantawa da kasar Sin 2019-08-08 15:30:53
v Mutane miliyan 1.3 na bukatar agajin jin kai a yankunan Kamaru dake da rinjayen masu amfani da turancin Ingilishi 2019-07-23 10:26:38
v Nijeriya da Kamaru sun amince su bunkasa hadin gwiwa a fannin yaki da ta'addanci a kan iyakarsu 2019-07-06 14:55:20
v Tsoffin mayakan Boko Haram a yankin arewa mai nisa na kasar Kamaru sun ajiye makamansu 2019-07-05 10:04:25
v Daliban kasar Kamaru 59 na kwalejin confisius sun samu tallafin karatu daga Jakadan kasar Sin 2019-06-22 15:36:13

• 201111-yamai1	• 201110-yamai1
• 201109-yamai1	• 201108-yamai1
More>>