2019-07-25 10:32:07        cri

Tsohon mai bincike na musamman na kasar Amurka Robert Mueller, ya ce har ya zuwa yanzu, ba a wanke shugaban Amurkan Donald Trump, daga zargin yiwa shari'a tarnaki ba, yayin binciken da ake yi game da zargin tsoma hannun kasar Rasha a babban zaben Amurka na shekarar 2016.

Mr. Mueller wanda ya bayyana hakan a jiya Laraba, yayin zaman kwamitin shari'a na majalissar dokokin Amurka, ya ce ba zai iya tabbatar da ko shugaban kasar ya aikata laifi ko a'a ba.

A daya bangaren kuma, Mueller ya ce ba zai iya amsa tambaya game da abubuwa da ka iya shafar al'ummar kasar ba, ciki hadda tushen bincike, wanda hukumar bincike ta FBI ta gudanar, game da wancan batu na zargin yunkurin murde zabe da ake wa kasar Rasha. (Saminu)