2019-06-02 12:33:23        cri

Sin ta fitar da takardar bayanan gwamnati kan matsayin da ta dauka yayin tattaunawar ciniki tsakaninta da Amurka a yau Lahadi, inda ta jaddada cewa, hadin gwiwa ita ce hanya daya kacal mafi dacewa ga Sin da Amurka, za a samu kyakkyawar makoma ta hanyar samun moriyar juna. Sin tana hangen nesa kan tattaunawar ciniki dake tsakaninta da Amurka, ba kallo koma baya ba. Ana bukatar yin tattaunawa da shawarwari don daidaita matsalolin da aka samu a tsakaninsu a wajen tattaunawar.

Takardar ta bayyana cewa, cimma wata yarjejeniyar moriyar juna a tsakanin Sin da Amurka, ta dace da muradun kasashen biyu, da ma burin kasa da kasa. Ana fatan kasar Amurka za ta yi hadin gwiwa tare da kasar Sin, da daidaita matsaloli bisa ka'idojin girmama juna da nuna daidaito ga juna, da kara yin hadin gwiwar tattalin arziki da cinikayya a tsakaninsu, a kokarin raya dangantakarsu bisa tushen hadin gwiwa da daidaito da ma zaman karko, ta hakan za a amfanawa jama'arsu har na dukkan duniya baki daya. (Zainab)