2019-06-02 12:14:16        cri

A yau ne, Sin ta fitar da takardar bayanan gwamnati kan matsayin da ta dauka yayin tattaunawar ciniki tsakaninta da Amurka, inda ta ce, matakan kasar Amurka na daga harajin kwastam ba su sa kaimi ga bunkasuwar tattalin arzikin Amurka ba, sai dai sun kawo illa ne gare ta.

Illar da matakan suka kawowa kasar Amurka sun hada da kara yawa kudin samar da kayayyaki na kamfanonin Amurka, da daga farashin kaya na kasar, da ma kawo tasiri ga bunkasuwar tattalin arzikin kasar da zaman rayuwar jama'ar kasar, da kawo cikas ga fitar da kayayyakin Amurka zuwa kasar Sin. Bisa rahoton da kungiyar ciniki ta kasar Amurka da sauran kungiyoyin kasar suka gabatar, an ce, idan kasar Amurka ta kara kudin harajin kwastam da kashi 25 cikin dari kan dukkan kayayyakin Sin da ake fitar da su zuwa kasar Amurka, sai yawan GDP na kasar Amurka na shekaru 10 masu zuwa zai rage da kudin Amurka dala triliyan 1. (Zainab)