Shugaban kasar Sin Xi Jinping ya halarci taron cika shekaru 100, da gudanar da aikin kishin kasa a ranar 4 ga watan Mayun shekarar 1919, ko "May Fourth Movement" a Turance, taron da ya gudana a babban dakin taruwar jama'a dake nan birnin Beijing.

Xi Jinping wanda kuma shi ne babban sakataren kwamitin koli na JKS, kana jagoran hukumar zartaswar rundunar sojojin kasar, ya gabatar da muhimmin jawabi yayin taron.(Saminu)