Yau Alhamis, hukumar WTO ta sanar da cewa, ta rage hasashenta kan karuwar cinikayyar duniya a shekarar bana da ma mai zuwa, sakamakon tsanantar takaddamar cinikayya dake tsakanin wasu manyan kasashe a fannin tattalin arziki, da tsaurara manufofi na kudi da kasashe masu ci gaba suke yi.
Hukumar ta sanar da cewa, ta rage hasashen karuwar cinikayyar kayayyakin na shekarar 2018 daga 4.4% da ta yi a watan Aflilu zuwa 3.9%, kana ta rage hasashen karuwar cinikayyar shekara mai zuwa daga 4.0% zuwa 3.7%. (Bilkisu)