Kociyan kungiyar wasan kwallon kafan jamhuriyar Kamaru Clarence Seedorf ya bayyana kudirinsa na horas da 'yan wasan tawagar kwallon kafan kasar don tinkarar gasar cin kofin kasashen Afrika (AFCON) a shekarar 2019.

"Muna da shirin da za mu gabatar da shi amma da farko dole ne mu hakikance ainihin abinda muke bukata. Za mu yi amfani da lokacinmu wajen kafa wata ingantacciyar kungiyar 'yan wasa wacce za ta wakilce mu a badi," Seedorf ya bayyana hakan ne a taron manema labarai a Yaounde. Wannan shi ne taron manema labaru na farko da ya gudanar tun bayan da ya sanya hannu kan kwantiragin shekaru 4 da jamhuriyar Kamaru a farkon wannan watan. (Ahmad)