Jiya Laraba ne, aka kaddamar da bikin raya kasuwar harhada fina-finai na babban bikin nuna fina-finai na duniya karo na 8 wanda a yanzu haka yake gudana a birnin Beijing, inda fina-finai gami da shirye-shiryen talabijin na kasar Sin wadanda aka fassara su zuwa harsuna daban-daban suka jawo hankali sosai.

Wasu finai-finai gami da shirye-shiryen talabijin na kasar Sin wadanda suka shafi zaman rayuwar Sinawa ko kuma ci gaban da kasar Sin ta samu, da aka fassara su zuwa harsunan Turanci da Rashaci da Larabci sun jawo hankalin jama'a.

Kawo yanzu, kasar Sin ta fassara fina-finanta da yawansu ya zarce dari uku, da shirye-shiryen talabijin sama da dubu bakwai daga yaren Sin zuwa wasu harsuna 23, wadanda aka nuna su a nahiyoyin Asiya da Afirka da Turai da Amurka da sauransu.(Murtala Zhang)