Kakakin ma'aikatar kasuwanci ta Sin Gao Feng, ya ce duk wani matsin lamba, ba zai taba sanya kasar Sin dakatar da aiwatar da manufofin ta na kara bude kofa ga kasashen waje ba.

Mr. Gao Feng ya bayyana hakan ne a Alhamis din nan, yayin da yake tsokaci game da tambayar da aka gabatar masa, cewa shin ko rashin sanya kuzari wajen aiwatar da tsare tsaren kungiyar cinikayya ta duniya WTO ne ya sanya gwamnatin Amurka kakabawa Sin din wasu sabbin haraji? Game da hakan, jami'in ya ce wannan batu sam ba haka yake ba. (Saminu Alhassan)