Mataimakin gwamnan yankin Lower Shabelle mai kula da al'amurran kudi, Abdulfatah Abdullah Yusuf, ya shedawa kamfanin dillancin labarai na Xinhua cewa, wasu manyan kwamandojin SNA su biyu na daga cikin wadanda aka kashe.
Abdullah ya ce, mayakan Al-Shabaab sun kaddamar da harin ne a barikokin sojojin na SNA dake Warmahan da Tihsile a shiyyar Lower Shabelle a safiyar Lahadi data gabata, bayan barkeawar fadan an kashe sojojin SNA 8, kana an kashe biyu daga cikin mayakan na Al-Shabaab da kuma jikkata wasu da dama.
Mataimakin gwamnan ya ce, harin wani salo ne na kwanton bauta da mayakan yan ta'addan suka kaddamar da safiyar wannan rana.
Yace an hallaka kwamandojin sojin biyu ne a wani bom da aka dasa a lokacin da suke kan hanyarsu ta zuwa wajen bataliyar sojojin domin agaza musu wadanda mayakan na Al-shabab suka yi musu kawanya.
Tuni dai kungiyar ta Al-Shabaab ta dauki alhakin kaddamar da harin.(Ahmad Fagam)
