Sakatare Janar na MDD, Antonio Guterres ya taya Mohammad Abdullahi Farmajo murnar lashe zaben shugaban kasar Somalia, yana mai bayyana fatan zababben shugaban kasar zai gaggauta kafa gwamnatin da za ta kunshi dukkan bangarori.
Wata Sanarwar da kakakin Sakatare Janar din ya fitar a jiya Alhamis, ta ruwaito Antonio Guterres na kira ga sabuwar gwamnatin da gwamnatocin jihohi su yi aiki tare, wajen gaggauta magance muhimman batutuwan kasar, ciki har da kammala samar da kundin tsarin mulki da kafa managartan matakan tsaron kasar. ( Fa'iza Mustapha)
