Kwamitin da aka dora masa alhakin gudanar da zaben shugaban kasa a Somaliya, ya bayyana cewa ya kammala dukkan shirye-shiryen da suka wajaba na gudanar da zaben a ranar Laraba.

Shugaban kwamitin mai wakilai 17 Abdirahman Beileh ya bayyana a jiya Lahadi da dare cewa, za a gudanar da babban zaben a ranar 8 ga wata bisa gaskiya da adalci.

Rahotanni na nuna cewa, sau hudu ana dage zaben shugabancin kasar ta Somaliya, kafin daga bisani a samu nasarar gudanarsa a wannan lokaci.(Ibrahim)