Darektan zartaswa na hukumar kula da kare muhalli ta Majalisar Dinkin Duniya mai hedkwata a birnin Nairobin kasar Kenya Erik Solheim, ya yabawa kokarin da gwamnatin kasar Sin ke yi, na dakatar da duk wani aiki na sarrafawa, gami da sayar da hauren giwa, da kayan dake nasaba da shi.
Mr. Erik ya ce, umurnin da gwamnatin kasar Sin ta zartas, na haramta cinikin hauren giwa, ya sanya sabon kuzari ga aikin kare giwaye, gami da sauran wasu namun daji dake daf da bacewa daga fadin duniya. Haka kuma ya ce wannan na da babbar ma'ana ga aikin kare namun daji a duniya. (Murtala Zhang)
