Kasar Djibouti ta bi sahun kasashe fiye da talatin da suka hada da Saudiyya, domin kafa wani kawancin soja na yaki da ta'addanci, a cewar kamfanin dillancin Labarai na Djibouti (ADI).

ADI ya bayyana cewa, wadannan kasashe sun yi kira ga sauran kasashen duniya da kungiyoyin kasa da kasa da su tallafa musu a kokarin da ake na yaki da ta'addanci ta yadda za a tabbatar da zaman lafiya da tsaro.

Har ila yau a cewar wannan majiya, cibiyar gudanar da ayyukan cikin hadin gwiwa na wannan sabon kawance soja na Larabawa za ta kasancewa a birnin Riyad na Saudiyya. (Maman Ada)